روايه ابن ليل للكاتبه اميره اسامه
المحتويات
تاني ولا هتكلمك ولما عرفت انكم معزومين بعد بكره قالت مش هتنزل فا انا بقولك عشان لو حسيت ان دارين بتعاملك وحش تديها عذرها واوعي تسمع كلامها في اي حاجه يعني لو قالتلك مش عايزه اعرفك متاخدش علي كلامها
هيما لا حنينه مش عارف من غيرك كنت هنعملوا ايه يابنتي ده اقل واجب متعبرنيش تاني اقول عليكي ايه
دانه الله ما انا بقولك عشان تنقذ الموقف
دانه ايه فارقه معاك اوي
هيما من غير تفكير نطق طبعاااا
دانه بأبتسامه ايوه ليه بقي هااا ليه
هيما بأبتسامه رفع حاجبه عشان بنحبها ارتاحتي
دانه بابتسامه سعاده مانا عارفه
هيما طب امشي اقفلي يا دانه بدل ما نزعلك
دانه بقولك ايه متقلقش هسيبها تهدي وهكلمها وانت لو بتحبها بجد اوعي تسيبها زعلانه
دانه ماشي يلا تصبح علي خير
هيما وانتي من اهل الخير
وللحديث بقيه
كلمتين في السريع الروايه لسه احداثها كتير واكيد مستحيل استعجل في النهايه وأهمل الاحداث فا عندي سؤال نكملها بعد رمضان ولا ننزلها بس هيكون 3 مرات في الاسبوع وبارت طويل وده ڠصب عني لان الوقت في رمضان ضايع ومش هقدر انزل كل يوم هستني تفاعلكم وردكم علي سؤالي بحبكم اوي
أبن ليل
صاحبة البطل الواحد
أميره اسامه
البارت الثاني و الثلاثون
في صباح يوم جديد قامت دره من نومها غسلت وشها و راحت صلت وحضرت لبسها وبعد كده راحت تصحي البنات عشان جامعتهم
دره ديما يلا يا روحي قومي بقي بلاش كسل
ديما طيب شويه صغيره يا مامي بليز
دره بابتسامه يلا قومي بلاش كسل هنرجع لشغل العيال بتاع زمان
باستها دره من راسها بحب وهي مبتسمه
دره طيب اتققنا هما خمس دقايق بس هروح اصحي اخواتك تكوني صحيتي
ديما اوك ميرسي يا مامي
راحت دره علي اوضه دانه
دره دندووون يلا ياروحي اصحي
فتحت دانه عينها بابتسامه جميله
دانه بونچور يا مامي
دره بونچور يا قلب مامي يلا حبيبتي قومي عشان تفطروا و تروحوا الجامعه
دره هروح اصحي دارين وانتي روحي رخمي علي ديما عشان قالتلي سبيني خمس دقايق
دانه بابتسامه بس كده عيوني
دخلت دره علي دارين
دره دارين يلا ياروحي اصحي
دارين صباح الخير يا مامي
دره صباح النور يا قلب مامي
دارين هو انا ينفع انام وبعدين ابقي اصحي افطر
دره طيب وجامعتك انتي مش رايحه ولا ايه
دره بقلق حطت ايدها علي جبهتها مالك حاسه بايه
دارين لا مټخافيش انا مش سخنه
دره امال فيكي ايه انتي امبارح كنتي كويسه
دارين مفيش بس البريود جات وحاسه اني مش قادره فا هريح انهارده
دره خلاص خليكي بس حتي قومي افطري
دارين مش جعانه والله يا مامي لما اصحي هبقي افطر
دره خلاص انا هحضرلك الفطار وهسيبه في المطبخ انتي بس لما تصحي اعملي النسكافيه
دارين اوك يا مامي
سمعت دره صوت وجري
دره بابتسامه هروح اشوف المجانين اللي بره دول
دارين بابتسامه بسيط اوك
خرجت دره وقفلت وراها لقت ديما بتجري وراء دانه
ديما والله ما هسيبك يا دانه غير لما ارش عليكي
دانه الحقيني يا مااااامي
دره بس بس في ايه
ديما دانه دخلت غرقتني
دانه بضحك مامي اللي قالتلي
دره اه يا كدابه انا قولتلك غرقيها
دانه مش قولتيلي رخمي عليها
دره ايوه بس مش تغرقيها فضلت دره تضحك
ديما بتضحكي علي ايه يا مامي مبسوطه من دانه
دره بابتسامه أنتوا عارفين أنكم فكروتني بيا انا ومها زمان
دانه كنتوا بتصحوا بعض كده
دره لما كنت اروح عندهم والاقيها نايمه كنت ادخل عليها الاوضه واغرقها وتفضل تصوت وتجرب ورايا زانا اروح استخبي وراء نوجا وهي كمان لما كانت ترجع تلاقيني نايمه كانت تدخل تتسحب يا اما تغرقني يا اما تجيب غطاء حله وتفضل تخبط جنب ودني كنت اقوم عليها زي المجنونه لو لحقتها مش بسيبها ولو ملحقتهاش بلبله كانت تضحك وتخبيها مني كانت احلي ايام حياتي والوقت لما شوفتكم فكروتني بينا زمان
ديما بأبتسامه يعني اعمل في دانه ايه الوقت بما ان حضرتك خبره
دره بحب خلاص سماح عشان خاطري المره دي بس لو اتكررت متسبيهاش وليكي عليا مش هخبيها
ديما اتفقنا
دانه هي دارين لسه نايمه
دره اه بتقول انها مش هتروح وتعبانه قلقتني عليها
ديما ليه مالها
دره تقريبا البريود تاعباها شويه
بصت دانه وديما لبعض وابتسموا
دره في ايه بتبصوا لبعض وتضحكوا ليه
ديما مفيش
دره قولوا في ايه
دانه انا مليش دعوه عشان مترجعوش تقولوا عليا فتانه
دره لا مش هنقول بس قولولي اختكم مالها هي فيها حاجه تانيه ولا ايه
دانه طيب هنقولك بس متقوليش اوك
دره اخلصي وقولي انا بدأت اقلق
ديما مفيش قلق ولا حاجه يا مامي هي بس كل الحكايه ان دارين مش تعبانه ولا حاجه هي بتهرب من هيما مش اكتر
دره بإستغراب بصتلهم بتهرب من هيما لا مش فاهمه وهي عملت ايه لهيما ولا هيما عملها ايه عشان تهرب هو ضايقها
دانه لا خالص ضايقها ايه بصي هو حصل موقف مش لطيف امبارح واحنا في العيد ميلاد دارين كانت لابسه فستان ابيض والبريود جاتلها وهي مكانتش عامله حسابها فا الفستان كلن في حاجه بسيطه وطبعا مين اللي شاف الفستان
دره پصدمه هيما
دانه ايوه بس هو مقلهاش عشان متتحرجش وفي نفس الوقت مكانش حابب حد من الشباب يشوفها وموقفها وقتها مش هيبقي لطيف خالص فا قال يلحق وينقذ الموقف فا قالي خلي دارين تربط الچاكت علي وسطها وخديها وروحوا التويلت وانا فهمت وعملت كده ومقولتلهاش اي حاجه
دره بابتسامه طيب موقف حلو جدا من هيما بس هي ليه بتهرب منه لما هي متعرفش انه شافها انا مش فاهمه
دانه لا ماهو احنا لما جينا هي كانت متوتره خالص وطلعت جري قعدنا شويه صغيره مع بلبله تحت وبعدين طلعنا فا ديما سألتني هي دارين مالها اتغيرت ليه في اخر القاعده وليه طلعت بسرعه فا انا قولتلها اللي حصل وفجأه لاقينا دارين في وشنا وعرفت
ان هيما اللي شافها وفضلت ټعيط وقالت انها مش هتشوفه خالص ولما عرفت انهم جاين بكره للعزومه قالت مش هتنزل
دره حطت ايدها علي وشها وانتوا كان لازم تتكلموا بصوت عالي
ديما مكناش نعرف انها ورانا والله يا مامي انا عارفه انه موقف مش حلو خالص بس كمان هيما معملش حاجه غلط بالعكس هو خاف علي شكلها
دره بصراحه هو موقفه محترم وكفايه انه طلب من دانه تنقذ الموقف
دانه جدا والله يا مامي هو اصلا وهو بيقولي كان محرج ومش عارف
يجيبهالي ازاي وفضل يعتذرلي انه بيطلب مني الطلب ده بس قالي انا مضطر و انا اصلا من ارتباكه فهمت اللي يقصده بس كمان انا عاذره دارين انا لو في موقفها ده هتمني الارض تتشق وتبلعني
دره هو صحيح موقف محرج بس كمان مش چريمه عشان تهرب منه المشكله ان هيما ديما في وشها يعني لو هربت انهارده ومنزلتش الجامعه وهربت بكره و منزلتش العزومه مش هتفضل هربانه علي طول وبعدين هو مقلهاش فا عادي ممكن تتعامل بهدوء
دانه انا قولتلها كده بس هي بتقولي كفايه اني عرفت انه هو اللي قالك
دره خلاص سيبوها عليا وانا هتكلم معاها
دانه ايه لا والنبي يا مامي احسن تزعل مني وتتحرج اكتر
دره متقلقيش انا هفهمها براحه وبعدين الموضوع مفيهوش احراج ده ظرف وارد كلنا نتعرض ليه وبعدين لازم دارين تاخد بعين الاعتبار الطريقه اللي هيما حاول ينقذ بيها موقفها وهي طريقه محترمه لا رخم عليها ولا حاول يحرجها هو اتصرف بمنتهي الرجوله
ديما بصراحه ايوه موقفه حلو اوي
دانه خلاص كلميها بس المهم متزعلش مننا
دره لا متقلقوش مش هتزعل منكم يلا روحوا ظبطوا نفسكم لحد ما احط الفطار
دانه اوك
في شقه زكريا
دعاء جابت ورقه وقلم وقعدت جنب نبيله يلا ياما قوليلي بقي هنجيبوا ايه وانا هنكتب وراكي
نبيله بنقولك ايه اسمعيني الاول عيزاكي انتي اللي تروحي بنفسك تشتري السمك بلاش تشيعوا صبي مبيعرفوش يشتروا حاجه
دعاء لا نشيعوا صبي ده ايه انا هنروح بنفسي وعبدالله هيجي معايا
نبيله طيب بس مش عيزاكي تتأخري انا عايزه السمك والجمبري كلها تكون طازه
دعاء وبتلعب كمان انا هنروح الوقت علي طول بس نكتب للاول عشان مننساش اي حاجه
نبيله طيب اكتبي ورايا
فضلت نبيله تقولها علي كل انواع السمك اللي عيزاها وكل الطلبات اللازمه
دعاء تمام كتبت
نبيله حلو كده يابت ولا نزودوا حاجه
دعاء لا حلو اوي ماشاء الله وبعدين هتزودي ايه تاني ده البحر فضي
نبيله يابت قولي الله اكبر
دعاء بضحك احيه ما انا قولت ماشاء الله المهم هنعملوا ايه في الحلو انا من رأيي نحيبوا جاهز وخلاص عشان مش هنلحقوا
نبيله مش هنلحقوا ايه والنبي كل الاكل ده ماياخد في ايدي ساعتين زمن انتوا بس اللي بتجروا وراء السهل
دعاء باااااس اديني سكت قبل ما نسمع ربع علي الصبح خلاص نعملوا في البيت هنعملوا ايه بقي
نبيله اول حاجه رز بلبن عشان نعرفوا الواطيه مها الفرق ما بين الرز بتاعي والرز بتاعها اللي جرستنا بسبب طبق الواطيه
دعاء حقك يا كبيره طب وثانيا
نبيله ابتسمت وسكتت شويه وهي باصه لبعيد
دعاء ايه روحتي فين يا بلبله
نبيله بأبتسامه فاكره زمان يابت يا دعاء التورت اللي كنت بنعملها
دعاء احيه يا بلبله ده انا مدوقتش في حياتي زيها واللي كان يشوف اي تورته ليكي مستحيل كان يقول انها معموله في البيت من كتر ما شكلها كان بيبقي تحفه فكرتيني والله يا بلبله صحيح انتي ليه مبقتيس تعملي نسيتي ولا ايه
نبيله نسيت ايه يابت دي كانت اكتر حاجه بحبها بس مبقاش في مزاج اخر تورته عملتها كانت يوم تلبيس دبل دره وكرم ومن بعد اللي حصل معملتش تاني ولا حبيت نعملوا
دعاء وايه اللي فكرك بالحوار ده بعد كل السنين دي
نبيله بأبتسامه امبارح كان عيد ميلاد الولا هيما وبكره هنتجمعوا لاول مره علي سفره واحده من عشرين سنه فكرت نعمل عيد ميلاده ونحتفل بيه مع بعض وتبقي ذكري حلوه نرجعوا بيها من تاني ولا ايه رأيك
دعاء ودي عايزه كلام يا بلبله حلوه الفكره طبعا واهو بالمره ندوقوا من تحت ايدك احلي تورته بس الاول هنلحقوا
نبيله اكيد هنبدأوا بيها هي انهارده وهنخلصوا كل حاجه بكره هنصحوا من النجمه نكملوها لحد ما تنزلي ونخلصوا الاكل سوا
دعاء طب قوليلي عايزه ايه للتورته
نبيله اكتبي ورايا
كتبت دعاء وراها كل حاجه و الجرس رن قامت تفتح
دعاء صباح الهنا
دره صباح السكر بتعملوا ايه
نبيله بنجهزوا
لعزومه بكره ادخلي
دره لا مستعجله انا والبنات
دانه بونچور
متابعة القراءة
