روايه ابن ليل للكاتبه اميره اسامه
المحتويات
بحب وبصوا لعبدالله
كرم ماتنطق يا جدع
عبدالله بعصبيه بص لكرم بطريقه مضحكه ما خلاص يا عم وبعدين قولنا الكلام ده سابق لاوانه
كرم طيب وبما ان الرضا علي وش الكل وبعد اذنك يا معلم زكريا طبعا ليه نخلي الكلام سابق لأوانه مش بيقولوا خير البر عاجله بردوا
ابتسم زكريا لكرم
زكريا عايز ايه تاني يا كرم
عبدالله بغيظ من كرم ده الود وده يروح يجيب المأذون
عبدالله واكتفت دره
بأبتسامه بسيطه
كرم بابتسامه مالك متنرفز ليه ما تهدي علي روحك كده
عبدالله وهنتنرفزوا ليه انت اخويا
كرم هي مش طالعه من قلبك بس بما اننا اخوات فا اكيد مش هتكسفني حسن ابن اخويا واكيد عايز اشوفه مبسوط ومرتاح وبما انهم قربوا يخلصوا الترم ده فاضل عليه حوالي شهر ونص وابنك هيتخرج فا الاسبوع الجاي نقروا فاتحه
وده يجيب مأذون فتحه ايه اللي نقروها الوقت طب يخلص امتحانات الاول مش يمكن يشيل السنه
بكر اعوذ بالله يا جدع
كرم هينجح بأمر الله وبعدين عشان يدخل علي الامتحانات بنفسيه حلوه
عبدالله وليه الاستعجال وبعدين مش لما يكون روحه
حسن اكون روحي ايه انا بشتغل من وانا عيل ولا انت صرفت فلوسي ولا ايه الدنيا
كرم خليت الولا نطق اوعي تكون صرفت فلوسه
عبدالله خاېف علي فلوسك يا ناقص
رفاعي بضحك عبدالله بيحاول يوقف الموضوع بأي طريقه
عبدالله ماهو ملوش لزوم الاستعجال بردوا ياعم رفاعي
كرم ابنك لا ليه جيش ولا لسه هيشتغل بعد ما يخلص دراسته هو عارف طريقه وراجل ومعاه فلوس يفتح بيها بيت وشقته موجوده مستخسر فيه فاتحه ليه ما تخلي الولا يفرح ونفرحوا معاه
زكريا يبقي الاسبوع الجاي زي انهارده هنقروا فتحتك يا ولا
فضل حسن يتنطط هو و محمد واحمد وهيما طبطب علي راسه وهو بيضحك عليه جري حسن علي كرم حضنه
كرم مش قولتلك ياولا اسمع كلامي
حسن انت اجدع كيرو في الدنيا كلها
عبدالله شوف ابن الكلب جري علي كرم وانا لا
راح حسن لابوه حضنه بحب وباس ايده وباس ايد زكريا وايد نبيله وراح لدعاء خدها في حضنه الكل باركله وكانوا مبسوطين عشان فرحته
بص كرم لدره اول ما شافته بصت ناحيته حسن وابتسمتله بحب
دره مبروك يا ولا
دره حبيبتي يا دره حضنها بحب
دانه بصت لكرم وقربت منه بهدوء شكرا
كرم بأبتسامه علي ايه
كرم انا معملتش اي حاجه وحسن عمره ما كان هيزعل منك لانه عارف انك متقصديش
دانه بس بردوا كلامك و أقناعك ليهم اللي حول المشكله لفرحه لحسن واكيد سماح بجد شكرا
ابتسم كرم وطبطب علي راسها
قرب حسن من دانه وهو بيضحك
حسن اللي مسحوبه من لسانها ومبتسترش تصدقي دي احسن مره متمسكيش لسانك فيها
دانه بأبتسامه يعني مش زعلان مني
حسن لا طبعا ولو كل مره هتنتهي نهايه سعيده كده يبقي اتسحبي من لسانك براحتك
كملوا قعدتهم مع بعض وكرم قاعد يهز في رجله هيتجنن ويتكلم مع دره ويفهمها بيحاول يبصلها بس هي كانت قاعده بالجنب عشان متبصش عليه خالص بس كانت من جواها عايزه ټنهار
كذا حد في الموجودين غير كرم طبعا لاحظ تغيير دره في منهم اللي فسر تغييرها
علي انه زعل من الكلام اللي حسن قاله وفي منهم اللي شاف انها تقبلته بس في حاجه تانيه حصلت ضايقتها لان بعد كلام حسن هي فضلت تتكلم معاهم عادي ومظهرش عليها انها زعلت لكن بكر الوحيد اللي كان عارف ان كلام حسن مضايقهاش ولا هي ولا كرم بس الاتنين اتغيروا فجأه وكان عارف ان موضوع غياب سونه هو اللي لغبطهم خصوصا انه عارف ان دره سالت عليه فا كل شويه شكه كان بيزيد وبيحس انه اضايق
رن موبايل دره في الوقت ده بس هي مكانتش مركزه وكمان مش سامعه من الدوشه
لمحت ديما موبايل دره وشافت غنه رقم من امريكا
ديما مامي مامي
مها دره كلمي ديما
بصت دره علي ديما وهزت راسها بمعني نعم
ديما موبايل حضرتك بيرن
دره مين المستشفي
ديما لا ده من امريكا
بصوا كلهم علي بعض وبعدين بصوا لدره
بصلها كرم بترقب
قامت دره خدت الموبايل وبصت عليه
وخدته ودخلت البلكونه كان چاك بيتكلم من المكتب
دره هاي چاك
چاك هاي دره
دره في جديد
چاك بصوت متلغبط وباين عليه الضيق في دره
دره مال صوتك في ايه چاك
چاك يوسف رجع وعرف باللي حصل
دره طبعا اتعصب
چاك يمكن شويه بس هو طالب طلب
دره طلب ايه
چاك انا رفضت دره عشان عارف رأيك في الموضوع ده بس هو مصمم
دره طلب ايه چاك اتكلم
چاك يوسف عايز رقمك عايز يتكلم معاكي
دره بدموع لا چاك أرجوك مش هقدر انت عارف ان لو سمعت صوته ھموت
چاك بحزن عارف دره بس ده كان طلبه الوحيد قال في حاجه مهمه عايز يقولهالك
دره بۏجع مش هقدر چاك مش هقدر
چاك دره انا مش عايزك تكلميه ومش عايزك تسمعي صوته ولا عايزه يكون في حياتك او يقرب منك بس حاولي مش هنخسر حاجه شوفي عايز يقولك ايه مهم دره انا معاكي ولا يمكن اتخلي عنك صدقيني لو حابه تفكري خدي وقتك وردي عليا لما تاخدي قرارك
دره بدموع تمام چاك موافقه
چاك مش حابه تفكري
دره لو فكرت مش هوافق خليني اخلص چاك
چاك تمام دره هبعتله رقمك وهعرف منه امته هيتكلم وهبلغك
دره اوك چاك
چاك دره
دره نعم
چاك انا جنبك وهفضل معاكي متقلقيش
دره بأمتنان عارفه چاك وديما بطمن بوجودك
چاك بابتسامه هاديه وحزينه هكلمك تاني باي دره
دره باي چاك
قفلت دره الموبايل ورفعت راسها لفوق بۏجع وبعدين مسحت دموعها وخدت نفس طويل ودخلت علي جوه
لقت الكل باصص عليها
زكريا خير يا بنتي في حاجه
عبدالله في ايه يا دره مالك انتي معيطه
ابتسمت دره بصعوبه وهزت راسها
دره لا يا حبيبي انا كويسه
سمعت صوت كرم وسط الكل فضوله كان هيقتله ومقدرش يسكت اكتر من كده لما شاف عينها اللي باين عليها انها معيطه
كرم في ايه يا دره
وللحديث بقيه
أبن ليل
صاحبة البطل الواحد
أميره اسامه
البارت الخامس و الثلاثون
سمعت دره سؤال كرم حست انها اتلغبطت اكتر ما هي متلغبطه بصتله وهي مش عارفه تعمل ايه تبص في عينه وتقوله ولا تقول مفيش ولا مش من حقه اصلا يسأل بعد ما كدب عليها هو كمان دموعها كانت بتتجمع قدام عينه لكن بكل قوتها أتمسكت عشان خاطر بناتها
نبيله يا بنتي ما تقولي في ايه مالك خارجه ساكته ليه كده مين اللي كان بيكلمك ده
دره بهدوء ابتسمت ابتسامه تكاد تكون معدومه مفيش حاجه يا امي متقلقيش
عبدالله امال ايه مالك المكالمه دي ضايقتك
دره خالص يا عبدالله مفيش والله ده چاك المستشار القانوني بتاعي هو اصلا بيكلمني ديما و بيسأل عليا بعيدا عن الشغل احنا صحاب وهو اكتر حد وقف معايا في اي حاجه تخص شغلي بس دي كل الحكايه
نبيله طيب هو قالك حاجه تضايقك يا دره انتي اصلك مش شايفه وشك عامل ازاي
دره بأبتسامه لا خالص يا امي مقالش اي حاجه هو بيطمن عليا وعلي البنات وبعدين يعني مش وقته الكلام ده خلينا في الخبر الحلو بتاع حسن ولا ايه
بصت نبيله علي البنات وبعدين بصت لدره وهزت راسها حست ان في حاجه بس دره مش عايزه تتكلم قدام البنات
كملوا قعدتهم مع بعض حاولت دره علي قد ما تقدر تكون هاديه وطبيعيه وحاولت انها متبصش لكرم ولا تحاول تديله فرصه انه يتكلم معاها عشان متتعصبش و يبان عليها اكتر
اما عن كرم فا أول ما وصل كان مبسوط جدا بس من بعد ما عبدالله قال علي سونه و اختفائها هي كمان و شاف نظره عين دره ليه وهو مش علي بعضه حاول يبصلها يكلمها يقولها اي حاجه لكن مكانش عارف ودره مكانتش مدياله فرصه عينه تيجي في عينها فا بدأ يحس پخنقه وكان عايز يمشي بأي طريقه عشان يكلمها حتي في الموبايل
كرم ايه مش يلا بقي
رفاعي اه يلا عندنا شغل بدري
زكريا ما لسه بدري واحنا قاعدين مع بعض
نبيله جرا ايه يا ابن نجوي لاحقت زهقت مننا
نجوي بضحك طب ونجوي مالها بس
نبيله مش ابنك
كرم بقالنا كتير يا بلبله وفي كذا حاجه عايز اعملها عشان الشغل
عبدالله ياجدع هو الشغل بيخلص
كرم مبيخلصش يا عبدالله بس هنعملوا ايه بقي
بكر انا كمان مش قادر عايز ننام وبعدين انت مش عندك شغل انت كمان ولا ناوي تخلع
عبدالله بضحك اخلع اروح فييين بس
قام رفاعي ونجوي وبعدين الكل قام وبدأوا يسلموا علي بعض
قرب هيما من دارين بهدوء
هيما علي فكره هكلمك وهتردي عليا تمام
بصتله دارين بأبتسامه إحراج وبعدين بصت تشوف حد مركز معاهم ولا لا اول ما لاقت الكل بيسلم علي بعض بصتله
دارين بهدوء حاضر
هيما ولو مردتيش
دارين لا هرد
هيما ماشي هنشوف
ابتسمت دارين وسلموا علي بعض
دره كانت واقفه تسلم عليهم
دره نورتي يا قلبي
مها ده نورك يا دره المره الجايه العزومه عندي
دره إن شاء الله يا مها
بصتلها مها بأبتسامه بسيطه وبعدين همستلها بهدوء
مها اوعي يابت تكوني فكرتي ان الشويتين اللي عملتيهم دول هيخيلوا عليا ولا هصدق ان المكالمه اللي جاتلك دي مضايقتكيش ولا حتي هكدب علي روحي ونقول ان الدموع اللي شوفناها في عينك دول شويه تراب
دره صدقيني محصلش حاجه
مها لو كدبتي علي كل اللي واقفين دول مش هتعرفي تكدبي عليا يا صاحبة عمري ياللي نظره عينك وانتي حزينه و بتحاولي تخبي متغيرتش من واحنا عيال لحد انهارده
بصتلها دره بأبتسامه حزن وبعدين صمتها بحب
اتأكدت مها من كلامها وعرفت ان دره فيها حاجه لكن مش وقته
مها انا هسكت الوقت عشان مش وقته بس هعرف ماشي
دره هزت راسها بهدوء
قرب كرم من دره بعد ما مها سابتها وراحت تسلم علي الباقي ومد ايده لدره
رفعت دره عينها لكرم كانت نظرتها فيها ڠضب حاولت تخفيه لكن فشلت وعرف كرم انها مش طيقاها
مدت ايدها و بعدت عينها عنه
مسك كرم كف ايدها بهدوء وضغط عليه بحب وبعدين صم كفها بأيده التانيه وقرب منها وهمس لها بصتله دره بسرعه پصدمه من قربه ليها وبعدين بقت تبص تشوف مين شايفهم
كرم انتي طبعا عارفه انك لو مردتيش عليا انا هنعمل ايه ودين محمد يا دره هنيجي علي باب بيتك و المرادي مش هنمشي
لمحت دره عين بكر جات في عينها برد فعل تلقائي خدت خطوتين لوراء وسحبت ايدها من كرم وابتسمت ابتسامه كلها أرتباك وبعدين
بصت لكرم وهزت راسها عشان تنهي حواره معاها وينزل
نزل كرم وسبقهم لحد ما يسلموا وينزلوا والشباب نزلوا بعد كده وراه
قرب بكر من دره كانت جنبه مها
بكر بأبتسامه بص لدره شكرا يا دره
دره بابتسامه ارتباك كانت عامله زي اللي عامله چريمه و واقفه قدام ضابط المباحث علي ايه يا بكر نورتوا الدنيا
دعاء بت يا مها خدي
راحت مها لدعاء بص بكر علي مها و اتأكد انها بعدت وبعدين بص لدره
بكر بأبتسامه ونظره تركيز اول ما جيتي يا دره كنت واثق ان وجودك هيعمل مصېبه وكنت خاېف مش هنكدب عليكي بس واضح انك عرفتي تغيري عقل الكل وتفكيرهم واولهم كرم طول عمرك شاطره يا دره
دره بصتله وابتسمت بتوتر انا معملتش حاجه يا بكر بس يمكن ربنا مش حابب اننا
متابعة القراءة
